देशभर ६ हजार ५६ सक्रिय संक्रमित, पछिल्लो चौविस घण्टामा १६७ संक्रमित थपिए

काठमाडौं – गएको चौविस घण्टामा कोरोना भाइटसका १६७ संक्रमित थपिएका छन । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार नेपालमा कुल संक्रमितको संख्या १७ हजार ३ सय ४४ पुगेको छ । देशभर ६ हजार ५६ सक्रिय संक्रमित छन ।
७७ जिल्लामै फैलिएको कोरोना संक्रमणबाट देशभरका पाँच जिल्ला संक्रमण मुक्त भएका छन् । मन्त्रालयका प्रवक्ता गौतमका अनुसार धनकुटा, भोजपुर, मनाङ, मुस्ताङ र हुम्ला गरी पाँच जिल्ला कोरोना भाइरस संक्रमण मुक्त भएका छन् । पछिल्लो २४ घण्टामा २१३ जना कोरोना संक्रमितको उपचारपछि अस्पतालबाट डिस्चार्ज भएका छन् । हालसम्म देशभरबाट ११ हजार २४९ जनाको उपचारपछि डिस्चार्ज भएका छन् ।