सिद्धबाबालाई थप ३ दिन थुनामा राख्न अदालतको अनुमति

इटहरी–जिल्ला अदालत सुनसरीले जवरजस्ती करणी (बलात्कार)को आरोपी सिद्धबाबा भनिने कृष्णदास गिरीलाई थप ३ दिन थुनामा राखेर अनुसन्धान गर्न अनुमति दिएको छ ।

अदालतले शुक्रबार सिद्धबाबामाथि अनुसन्धानका लागि ३ दिनको म्याद थप गरेको हो । सुनसरीको चतरास्थित उनकै आश्रममा रहेकी एक महिला (अनुयायी)ले सिद्धबाबा भनिने गिरीमाथि बलात्कारको आरोप लगाएकी थिइन् ।

जिल्ला अदालत सुनसरीले गिरीलाई पक्राउ गर्न अनुमति दिएपछि उनी गत मंसिर १३ गते नै अस्पताल भर्ना भएका थिए । प्रहरीले गत सोमबार (मंसिर १६ गते) गिरीलाई अस्पतालबाट ‘पक्राउ’ गरी अदालतमा उपस्थित गराएको थियो ।

तर, गिरी भने आफूलाई मुटुको समस्या रहेको भन्दै विराटनगरस्थित विराट नर्सिङ होमको आईसीयूमै छन् ।