काठमाडौं– सत्तारुढ नेपाल कम्युनिस्ट पार्टी (नेकपा) दुई अध्यक्षले शनिबार मधेसमा सम्बोधन गनेृ भएका छन् । रौतहट जिल्लाको गरुढामा हुने प्रदेशस्तरीय जनसभालाई प्रधानमन्त्री तथा अध्यक्षद्वय केपी शर्मा ओली र पुष्पकमल दाहाल प्रचण्डले सम्बोधन गर्ने नेकपाले जनाएको छ ।
दुई नम्बर प्रदेश कमिटीले पार्टी एकता र मधेस मुद्दामा नेकपाको सन्देश जनतालाई दिनका लागि रौतहटमा जनसभा गर्न लागेको जनाएको छ ।
पछिल्लो समय नेकपाको पार्टी एकता कार्यदलसमेत भंग भएपछि तल्ला कमिटी र जनवर्गीय संगठनहरुको एकीकरण अन्यौलमा परेको छ । यसबीचमा सचिवालय बैठक बोलाउन नेताहरुले आग्रह गरिरहेका बेला अध्यक्षद्वय ओली र प्रचण्ड जनसभामा निस्कन लागेका हुन् ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
