प्रधानसेनापति पूर्णचन्द्र थापा भारत प्रस्थान

काठमाडौँ – नेपाली सेनाका प्रधानसेनापति पूर्णचन्द्र थापा भारत प्रस्थान गरेका छन् । भारतीय सेनाध्यक्ष जनरल विपिन रावतको औपचारिक निमन्त्रणामा थापा विहान भारत प्रस्थान गरेका हुन् ।
भ्रमणको क्रममा प्रधानसेनापति थापाले भारतीय सेनाध्यक्ष जनरल रावतसँग भेटघाट गर्नेछन् ।
सन् १९५० बाट सुरु भएको यो प्रचनअनुसार सेना प्रमुखमा नियुक्ति भएपछि औपचारिक निमन्त्रणा गरी मानार्थ महारथीको दज्र्यानीबाट सम्मान गरिन्छ ।
प्रधानसेनापतिको नियुक्तिपश्चात्को थापाको यो पहिलो विदेश भ्रमण हो ।
भारतीयस्थल सेनाध्यक्षको मानार्थ दज्र्यानी चिन्ह ग्रहण गर्न प्रधानसेनापति थापा भारत जान लागेका हुन् । दुवै देशका प्रमुखलाई कदरस्वरुप मानार्थ महारथी दिने ऐतिहासिक प्रचलन रहिआएको छ ।
साथै, उनले भारत सरकारका रक्षामन्त्री, राष्ट्रिय सुरक्षा सल्लाहकार लगायत उच्चपदस्थ पदाधिकारीहरुसँग भेटघाट गर्ने कार्यक्रम समेत रहेको छ ।
प्रधानसेनापति थापासहितको उच्चस्तरिय भ्रमणदल माघ २ गते स्वदेश फिर्ता हुने कार्यक्रम रहेको छ ।