भारी वर्षाले जनजीवन अस्तव्यस्त, राजमार्गहरु अवरुद्ध

काठमाडौं – मनसुन सक्रिय भएसंगै भएको वर्षाका कारण जनजीवन अस्तब्यस्त भएको छ । काठमाडौं उपत्यकामा डुवान भएको छ भने विभिन्न जिल्लामा पहिरोमा परि जनधनको क्षति भएको छ । पृथ्वी राजमार्ग सहित देशका विभिन्न राजमार्गहरु अवरुद्ध भएका छन । बाढीका कारण प्रभावित भएकाहरुलाई सुरक्षाकर्मिहरुले उद्धार गरेका छन ।

यसै विच मौसम पूर्वानुमान महा साखाका देशका विभिन्न भागमा वर्षा जारी रहने बताएको छ । उसले भनेको छ :

आज दिउँसोː देशभर साधारणतया बदली देखि पूर्णतया बदली रहने छ । कोशी, मधेश, बागमती, गण्डक र, लुम्बिनी प्रदेशका धेरै स्थानहरूमा तथा कर्णाली र सुदुरपश्चिम प्रदेशका केही स्थानहरुमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।कोशी,मधेश, बागमती, गण्डकी र लुम्बिनी प्रदेशका केही स्थानहरुमा तथा बाँकी प्रदेशका थोरै स्थानहरुमा भारी वर्षाको पनि सम्भावना रहेको छ । कोशी,मधेश,बागमती, गण्डकी र लुम्बिनी प्रदेशका थोरै स्थानमा धेरै भारी र एक-दुई स्थानहरुमा अति भारी वर्षाको पनि सम्भावना रहेको छ। देशको तराई क्षेत्रमा हावाहुरीको समेत संभावना रहेको छ।