टोखा–छहरे राजमार्गले धेरै क्षति हुन्छ, विकल्प खोज्नु पर्छ : परराष्ट्रमन्त्री

काठमाडौ – परराष्ट्र मन्त्री शिशिर खनालले टोखा–छहरे सुरुङ मार्ग विस्तार गर्दा टोखाका धेरै बस्ती मापदण्डका कारण समस्यामा पर्ने भएकाले यसको विकल्प खोज्नुपर्ने बताए । टोखा नगरपालिकाले आयोजना गरेको कार्यक्रममा मन्त्री खनालले भने – ‘साङ्ला खोला करिडोर र विष्णुमती खोला करिडोरलाई उक्त राजमार्गको वैकल्पिक मार्गका रूपमा विकास गर्दा कम लागत र कम क्षतिमा अन्तरराष्ट्रिय मापदण्डको सडक बनाउन सकिन्छ । ‘

सामाखुसी चोक देखि नुवाकोटको विदुर नगर पालिका सम्म राष्ट्रिय राजमार्ग कायम गरी सडकको मध्यभाग वाट दायाँ-बाँया २५ – २५ मिटर र थप ६ मिटर सेट ब्याक छाड्नु पर्ने मापदण्ड कायम भए पछि हजारौं घर विस्थापनमा पर्ने भएका छ्न । उनीहरुले संघर्ष समिति बनाएर आन्दोलनको तयारी गरेका छन ।