इन्सपेक्टर रुद्र शाहीलाई हिरासतमा राख्न अदालतले दियो अनुमति

काठमाडौँ – लागूऔषध कारोबारीसँग सम्पर्क देखिएको आरोपमा पक्राउ परेका प्रहरी निरीक्षक रुद्र शाहीलाई थप ७ दिन हिरासतमा राखेर प्रहरीलाई अनुसन्धान गर्न अदालतले अनुमति दिएको छ ।

ललितपुर प्रहरी परिसर, जावलाखेलबाट पक्राउ परेका इन्सपेक्टर शाहीलाई जिल्ला अदालत, काठमाडौँले लागूऔषध कारोबार सम्बन्धी कसूरमा अनुसन्धानका लागि थुनामा राख्न अनुमति दिएको हो ।
बिहीबार इन्सपेक्टर शाहीलाई लागूऔषध नियन्त्रण ब्युरो, कोटेश्वरले ललितपुर परिसरबाटै पक्राउ गरेको थियो ।

इन्सपेक्टर शाहीसँगै उदयपुरका एलिसन बस्नेत, बर्दियाका सन्तोषकुमार शाह, काठमाडौंका भुपेश शेरचन र अभियान थपलियासमेत पक्राउ परेका छन् । उनीहरुको साथबाट लागूऔषध समेत बरामद भएको प्रहरीले जनाएको छ ।
अन्य आरोपितविरुद्ध भने १० दिन म्याद थप भएको छ ।