सहायक रथी भण्डारी र सिग्देल लाई उपरथीको दर्ज्यानी चिन्ह प्रदान

काठमाडौं – नेपाली सेनाका दुई सहायक रथीको उपरथीको दर्ज्यानी चिन्ह प्रदान गरिएको छ। निरीक्षणाधिकृतको कार्यालयमा रहेका सहायक रथी अशोकराज सिग्देल र पश्चिम पृतना हेडक्वाटरका सहायक रथी गोकुल भण्डारीको उपरथीको दर्ज्यानी चिन्ह प्रदान गरिएको हो।

सिग्देल र भण्डारीलाई शनिबार सैनिक मञ्च टुँडिखेलमा फूलपाती बढाइँ समारोहपछि आयोजित कार्यक्रममा प्रधानसेनापति पूर्णचन्द्र थापाले दर्ज्यानी चिन्ह प्रदान गरेका हुन्।
उनीहरूलाई शुक्रबार बसेको मन्त्रिपरिषद् बैठकले उपरथीमा बढुवा गरेको थियो।
उपरथी दर्जामा पदोन्नति भएका उपरथी सिग्देललाई निरिक्षणाधिकृतको कार्यालयको निरिक्षणाधिकृत र उपरथी भण्डारीलाई पश्चिम पृतनापतिको जिम्मेवारी दिइएको छ।