चितवन राष्ट्रिय निकुञ्जमा एक भाले गैंडा मृत अवस्थामा भेटियो

चितवन – चितवन राष्ट्रिय निकुञ्जमा एक भाले गैंडा मृत अवस्था फेला परेको छ । निकुञ्जको पश्चिमी क्षेत्र मेघौलीमा पर्ने राप्ती नियन्त्रण मध्यवर्ती सामुदायिक वनमा गैंडा मृतावस्थामा फेला परेको निकुञ्जले जनाएको छ ।
गैंडा कालगतिले मरेको हुन सक्ने निकुञ्जले जनाएको छ । चालु आर्थिक बर्षमा कालगतिले मरेको यो नै पहिलो गैंडा हो । गत बर्ष यहि समयमा चार गैंडा मरेका थिए । गैंडाको औसत आयु ३५ देखि ४० बर्षको हुने गरेको छ ।
गत आर्थिक वर्षमा कालगतिका कारण निकुञ्ज र राष्ट्रिय वन क्षेत्रमा सर्वाधिक धेरै ४३ गैंडा मरेका थिए । निकुञ्जमा ६०५ गैंडा छन् । निकुञ्जमा यस बर्ष गैंडा गणना गर्ने कार्यक्रम छ । त्यसका लागि सरकारले १ करोड ५ लाख बजेट विनियोजन गरेको छ ।