राष्ट्रपतिसमक्ष बुझाए चार देशका राजदूतले ओहोदाको प्रमाणपत्र

काठमाडौं – राष्ट्रिपति विद्यादेवी भण्डारीसमक्ष बिभिन्न चार देशका राजदूतले ओहोदाको प्रमाणपत्र पेश गरेका छन् । नेपालका लागि नियुक्त भएका राजदूतहरुले राष्ट्रपति भवन शीतलनिवासमा एक समारोहबीच आफ्नो ओहोदाको प्रमाणपत्र पेश गरेका हुन् ।
प्रमाणपत्र पेश गर्नेहरुमा रसियाका आवासीय राजदूत एलेक्सी ए नोविकोभ, लक्जेम्वर्गका गैरआवासीय राजदूत जेन क्लाउड कगनेर, गणतन्त्र लिथुआनियाका गैरआवासीय जुलियस प्राणिभिकस र कुवेतका गैरआवासीय राजदूत जसेम इब्राहिम जे.एम. अल्नाजेम रहेका छन् ।
कार्यक्रममा परराष्ट्रमन्त्री प्रदीपकुमार ज्ञवालीलगायत उच्च पदस्थ सरकारी अधिकारीहरुको उपस्थिति रहेको थियो ।