कैलाली- कैलालीको धनगढी उपमहानगरपालिका -३ चटकपुरस्थित निलम होटल अगाडि शक्तिशाली बम बिस्फोट भएको छ। बिहीबार साँझ ७ बजेतिर भएको बिस्फोटमा परी पाँच जना घाइते भएका छन्।
घाइतेहरुको स्थानीय मेट्रो अस्पतालमा उपचार भइराखेको छ। घाइतेहुनेहरुमा केशवराज पाण्डे, राम सिंह, जितेन्द्र यादव, मोविन खान र लक्ष्मण सेरेला रहेका छन् । त्यस्तै, घटना स्थलमा पेस्तोल समेत फेला परेको प्रहरीले जनाएको छ । घटनामा विप्लव समूहको संलग्नता रहेको आशंका गरिएको छ भने प्रहरीले घटनास्थल पुगेर अनुसन्धान सुरु गरिसकेको छ ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
