काठमाडौं-रथी बढुवामा सिफारिस भएका शरदकुमार गिरीलाई प्रधानसेनापती पूर्णचन्द्र थापाले दज्र्यानी चिन्ह प्रदान गरेका छन् । सैनिक कमाण्ड तथा स्टाफ कलेजका प्रमुख रहेका उपरथी गिरीलाई मन्त्रिपरिषद्को बैठकले पुस १३ गते रथीमा बढुवा गर्ने निर्णय गरेको थियो । जंगी अड्डामा आयोजित एक बिशेष कार्यक्रमका बीच प्रधानसेनापति थापाले गिरीलाई दज्र्यानी चिन्ह प्रदान गरेका हुन् ।
रथी दर्जामा पदोन्नती भएका गिरीलाई अब बलाध्यक्षको जिम्मेवारी दिईएको जंगी अड्डाले जनाएको छ । कार्यक्रममा नेपाली सेनाका रथीबृन्द तथा अधिकृतहरुको उपस्थिति रहेको थियो ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
