विद्यालयको पर्खाल भत्किँदा धनुषामा एक बालिकाको मृत्यु

धनुषा – धनुषा जिल्लाको जनकनन्दी गाउँपालिका ४ खजुरीमा विद्यालयको कक्षा कोठाको पर्खाल भत्किँदा एक जना बालिकाको मृत्यु भएको छ ।
खजुरीस्थित श्री केएसएचबी माध्यमिक विद्यालयको इसीडी कक्षा कोठाको पर्खाल दिउँसो पौने १ बजेको समयमा अचानक भत्किँदा ७ वर्षीया चञ्चला सदाको मृत्यु भएको इलाका प्रहरी कार्यालय खजुरीले जनाएको छ ।
इसीडी कक्षा सञ्चालन भइरहेको १५र१६ जना बालबालिका पढ्दै गरेको कोठाको पर्खाल ढल्दा त्यसमा च्यापिएर घाइते भएका सदाको उपचारका लागि जनकपुर अञ्चल अस्पताल पुर्‍याएलगत्तै चिकित्सकले मृत घोषणा गरेका थिए ।
पर्खालले च्यापिएर खजुरीकै ६ वर्षीय बालक मोहम्मद समीर साफी गम्भिर घाइते भएका छन् । घाइते बालक साफीलाई थप उपचारका लागि विराटनगर अस्पताल लगिएको प्रहरीले जनाएको छ ।