टुँडिखेलमा सातौँ संविधान दिवस मनाइयो (फोटो फिचर)

काठमाडौं – संविधान दिवसका अवसरमा आइतबार काठमाडौंको सैनिक मञ्च टुँडिखेलमा विशेष समारोह आयोजना गरिएको छ ।
राष्ट्रपति विद्यादेवी भण्डारीको प्रमुख आतिथ्यमा समारोह आयोजना गरिएको हो । समारोहमा प्रधानमन्त्री शेरबहादुर देउवा, प्रधानन्यायाधीश चोलेन्द्रशमशेर राणा, सभामुख अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सिनालगायत सहभागी थिए । उपराष्ट्रपति नन्दबहादुर पुन भने समारोहमा अनुपस्थित रहे । मन्त्रीपरिषद्का अन्य मन्त्री, सुरक्षा निकायका प्रमुख, कुटनितिक नियोगका प्रमुख लगायतको उपस्थिती रहेको थियो ।

टुँडिखेलमा आयोजित समारोहमा विभिन्न साँस्कृतिक झाँकी प्रदर्शन गरिएको छ । नेपाली सेनाको हेलिकप्टरबाट पुष्पवृष्टि गर्नुका साथै शान्तिको प्रतीक सेतो परेवा उडाइएको थियो ।