पेरुका पूर्व राष्ट्रपति एलन गार्सियाद्वारा गोली हानी आत्महत्या

एजेन्सी -पेरुका पूर्व राष्ट्रपति एलन गार्सियाले गोली हानी आत्महत्या गरेका छन् ।

गार्सियालाई उनको आवासमा घुस लिएको आरोपमा पुलिसले   पक्राउ गर्न जाँदा उनले आत्महत्या गरेका हुन् ।

गार्सियालाई राजधानी लिमाको अस्पताल पुर्याइएको थियो । उनको मृत्युको पुष्टि पेरुका वर्तमान राष्ट्रपति मार्टिन विजकारले गरेका छन् ।

हस्पिटल बाहिर गार्सियाका समर्थक जम्मा भएकमा थिए । उनीहरुलाई पुलिसले नियन्त्रण गरेर फिर्ता पठाएको थियो ।

गार्सियामाथि ब्राजिलको निर्माण कम्पनी ओेदेब्रक्तसँग घुस लिएको आरोप छ जसलाई उनले अस्विकार गरेका थिए । यी आरोपपछि अधिकारी उनलाई पक्राउ गर्नका लागि उनको घर पुगेका थिए ।