विश्वकै खुसी देशको सूचीमा फिनल्याण्ड पहिलो नम्बरमा, नेपाल १०० औं स्थानमा

एजेन्सी– सन् २०१९ मा विश्वकै खुसी देशको सूची सार्वजनिक भएको छ जसमा फिनल्यान्ड पहिलो भएको छ। यूएन अन्तर्गतको ‘सस्टेनएबल डेभ्लपमेन्ट सोलुसन्स् नेटवर्क’ ले १५६ देशमा गरेको अनुसन्धानका आधारमा बुधबार ‘वर्ल्ड ह्यापिनेस रिपोर्ट अपडेट २०१९’ सार्वजनिक गरेको हो। यो रिपोर्टले विशेषगरी छ मुख्य कुरा हेर्छः आम्दानी, स्वतन्त्रता, विश्वास, स्वस्थ्य जीवन, सामाजिक सहयोग र उदारता। यो सूचीमा अमेरिका १९ औं नम्बरमा छ। बेलायत १५ औं, जर्मनी १७ औं, जापान ५८ औं, रसिया ६८ औं, चीन ९३ औं स्थानमा छन्।
यो सूचीमा नेपाल १०० औं स्थानमा रहेको छ ।
विश्वका सबैभन्दा दुःखी १० देशहरुको सूचीको पहिलो नम्बरमा बुरुण्डी छ । त्यसपछि मध्य अफ्रिकी गणतन्त्र, दक्षिण सुडान, तान्जानिया, यमन, रुवान्डा, सिरिया, लाइबेरिया, हाइटी र मलावी छन् ।

यो वर्षका सबभन्दा खुसी १० देश
१, फिनल्यान्ड

२, डेनमार्क

३, नर्वे

४, आइसल्यान्ड

५, नेदरल्यान्ड्स

६, स्विटजरल्यान्ड

७, स्विडेन

८, न्यूजिल्याण्ड

९, क्यानडा

१०, अस्ट्रेलिया