राष्ट्र अखण्ड रहने गरी सिके राउतसँग सहमति भएको हो भने सकरात्मक रुपमा लिनुपर्छ – सभापति देउवा

म्याग्दी– प्रमुख प्रतिपक्षी दल नेपाली कांग्रेसका सभापति शेरबहादुर देउवाले राष्ट्र अखण्ड रहने गरी सिके राउतसँग सहमति भएको हो भने राम्रो भएको बताएका छन् ।
म्याग्दीमा आइतबार प्रेस युनियनले गरेको पत्रकार सम्मेलनमा बोल्दै देउवाले भने – के के विषयमा सहमति भएको हो मैले पढ्न पाएको छैन। यदि मधेशलाई छुट्याउनुपर्छ नभनेको भए सहमतिलाई सकरात्मक लिनुपर्ने बताए ।
साथै केन्द्रीय सदस्य महाधिवेशन प्रतिनिधि स्वतः हुने विधानको व्यवस्थाबारे देउवाले भने किसुनजी,गिरिजा, सुशीलका पालामा त्यही ठीक हुने अहिले नहुने ? उनले भने, म पनि तलबाट निर्वाचित भएर आउनुपर्छ भन्नेमै थिएँ । पार्टीभित्र सहमति खोज्दा खोज्दा आफूले काम गर्न नपाएको देउवाको दाबी छ। उनले नेविसंघको उमेरहद ३२ वर्ष लगाउने नेविसंघले नै निर्णय गरेकोले विवाद नभएको बताए।