बिनोद पछाईंको एकल संगीत रहेको ‘अन्ली फर यु’ सार्वजनिक

काठमाडौं– दुर्गा प्रधानको एकल शब्द तथा बिनोद पछाईंको एकल संगीत रहेको ‘अन्ली फर यु’ सार्वजनिक भएको छ । राजधानीको बानेश्वरस्थित ईन्द्रेणी बङ्क्वेटमा उक्त एल्बम बिमोचन गरिएको हो ।
गीतकार तथा पुर्व अर्थमन्त्री शंकरप्रसाद कोइरालाको प्रमुख आतिथ्यका साथै बिभिन्न क्षेत्रका व्यक्तिहरुको उपस्थितिमा एल्बम विमोचन गरिएको हो।
‘अन्ली फर यु’ एल्बममा ५ वटा गीत समावेश गरिको छ, जसमा दुर्गा प्रधानको एकल शब्द र बिनोद पछाईंको एकल संगीतमा सजिएको गीतमा बिभिन्न चर्चित गायक गायिकाहरुले आफ्नो स्वर भरेका छन् त्यसैगरी गीतको एरेन्ज भने रिदम कडेलले गरेका छन् ।

कार्यक्रममा चर्चित गायक शिव परियारको स्वर रहेको तथा आकास श्रेष्ठ र सारा सिर्पालीद्वारा अभिनित म्युजिक भिडियो ‘रात पनि दिन हुन्थ्यो’ सार्वजनिक गरिएको थियो ।

स्याड भर्सनको भनिएको उक्त सार्वजनिक गरिएको गीतलाइ निर्देशन भने निसान कयास्प घिमिरेले गरेका हुन् । उत्सब दाहालद्वारा खिचिएको भिडीयोको सम्पादनमा भने बिकास दाहालको रहेका थिए ।