रमिला न्यौपानेको तीज गीत ‘पशुपतिमा’ सार्वजनिक

काठमाडौ-आजत भेट्न आउदिन है कालू, मेरो त मायाले काठमाडौंमा ट्याक्सी चलाउने, पंखा चलाइदेउ, भुरुरु उडेको पुतली लगायतका दर्जनौ तीज गीतहरु बजारमा ल्याएर चर्चा कमाएकी गायिका हुन् रमिला न्यौपाने ।
रमिलाले हिन्दु नारीहरुको तीज पर्वलाई लक्षित गरेर प्रत्येक वर्ष तीज गीत बजारमा ल्याएर एकदशक देखि तीज गीतमा आफ्नो निरन्तरता दिदै आएकी छिन् । उनले अघिल्लो वर्षमात्रै मायालु ईन्टरटेनमेन्टको प्रस्तुतिमा भुरुरु उडेको पुतली नामक तीज गीत बजारमा ल्याएकि थिईन् । उक्त गीतले पनि नेपाली साँगितिक बजारमा निकै चर्चा पाएको थियो ।
तीज गीतलाई निरन्तरता दिने क्रममा यस वर्ष रमिला न्यौपानेको पशुपतिमा बोलको तीज गीत सार्वजनिक भएको छ । गीत तिर्सना म्युजिक प्रालिको अफिसियल युट्युव च्यानल मार्फत सार्वजनिक गरिएको हो । बाबुराम बोहराको शव्दमा तयार भएको उक्त गीतमा रमिला न्यौपाने र चर्चित गायक खुमन अधिकारीको स्वर रहेको छ भने सह–गायन बन्दना पाण्डे, साया पाण्डे र राजेन्द्र बाजुरालीले साथ दिएका छन् ।