एसियन सेन्ट्रल जोन बिजेता खेलाडीलाई जनही ५ लाख पुरस्कार दिने सरकारको निर्णय

काठमाडौं – सरकारले एसियन सेन्ट्रल जोन महिला भलिबल च्यालेन्ज कपमा विजेता भएका भलिबल खेलाडीलाई जनही ५ लाख पुरस्कार दिने भएको छ।

बुधबार बसेको मन्त्रिपरिदको बैठकले च्याम्पियन बनेका बिजेता, खेलाडी, प्रशिक्षक र अफिसियललाई सम्मान पत्रसहित नगद पुरस्कार दिने निर्णय गरेको खेलकुद मन्त्रालयका प्रेस संयोजक संगीन शर्माले बताए।

१२ जना खेलाडीहरूलाई जनही ५-५ लाख, २ जना प्रशिक्षकलाई जनही ३ लाख र १ जना अफिसियललाई २ लाख नगदले पुरस्कृत गर्ने निर्णय गरेको हो।
बंगलादेशको ढाकामा मंगलबार भएको फाइनल खेलमा नेपाली महिला भलिबल टिमले उज्वेकिस्तानलाई ३-२ को सेटमा हराएको थियो। पाली महिला भलिबल टोलीले सन् २०१९ मा बंगलादेशमै सम्पन्न उक्त प्रतियोगिताको पहिलो संस्करणको फाइनलमा माल्दिभ्सलाई हराएर उपाधि जितेको थियो।

उपाधि विजेता नेपाली टिम बिहीबार स्वदेश फर्किंदैछन्।