सिटौला भन्छन् – म पनि सभापतिको उम्मेदवार हुँ

काठमाडौं– प्रमुख प्रतिपक्ष दल नेपाली कांग्रेसलाई महाधिवेशनको रौनकले छुन थालेको छ । नेताहरु महाधिवेशन लक्षिण भ्रमणमा निस्कन थालेका छन् । सोमबार कांग्रेसमा तेस्रो धार भनेर चिनिएका पूर्वमहामन्त्री कृष्णप्रसाद सिटौलाले आफु सभापतिको उम्मेदवार रहेको प्रष्ट पारेका छन् । गृह जिल्ला झापा पुगेर सिटौलाले भनेका छन् –‘ म सभापतिको उम्मेदवार होइन भन्ने भ्रम आजैबाट त्यागिदिनुस ।’
सभापति शेरबहादुर देउवा दोहो¥याएर पार्टीको नेतृत्व लिने मनस्थितीमा छन् भने वरिष्ठ नेता रामचन्द्र पौडेल महाधिवेशन लक्षित भ्रमणमा निस्केका छन् । महामन्त्री डा. शसांक कोइराला र केन्द्रीय सदस्य डा. शेखर कोइराला पनि देश दौडाहामा नै छन् । नेताहरुको दौडधुपले कांग्रेस भित्र महाधिवेशनको रौनक बढ्दै गएको देखिन्छ ।