नोबेल शान्ति पुरस्कार २०१९ इथोपियाका प्रधानमन्त्रीलाई दिने घोषणा

काठमाडौं । यस वर्षको नोबेल शान्ति पुरस्कार इथोपियाका प्रधानमन्त्री अबे अहमेद अलीलाई दिने घोषणा गरिएको छ । नर्वेजियन नोबेल कमिटीले यस वर्षको नोबेल शान्ति पुरस्कार प्रधानमन्त्री अलीलाई दिने घोषणा गरिएको हो ।

अन्तर्राष्ट्रिय सहकार्य, शान्ति स्थापना र इरिट्रियासँगको २० वर्ष लामो सीमा विवाद समाधानमा महत्वपूर्ण भूमिका खेलेको भन्दै उनलाई यस वर्षको नोबेल शान्ति पुरस्कार दिने घोषणा गरिएको जनाइएको छ ।
उनी सन् २०१८ अप्रिल २ मा प्रधानमन्त्रीमा निर्वाचित भएका थिए । उनी पूर्व सैनिक गुप्तचर अधिकारीसमेत थिए । अबे प्रधानमन्त्रीमा निर्वाचित भइसकेपछि आर्थिक, राजनीतिक पुर्नसंरचनामा महत्वपूर्ण भूमिका खेलका थिए ।