इतिहासको जति राम्रो अन्वेषण हुन्छ, राष्ट्र त्यति नै समृद्ध बन्छ – प्रचण्ड

काठमाडौं – सत्तारुद दल नेकपाका अध्यक्ष पुष्पकमल दाहाल ‘प्रचण्ड’ले इतिहासको जति अन्वेषण गर्नसक्यो राष्ट्र त्यति नै समृद्ध बन्ने बताएका छन् ।
शनिबार ललितपुरको खुमलटारमा पुस्तक विमोचन कार्यक्रममा बोल्दै अध्यक्ष दाहालले बहुजातीय, बहुभाषिक, बहुसांस्कृतिक र भौगोलिक विविधता भएको देश नेपालमा विशाल संस्कृति रहेको बताए ।
यस्ता संस्कृतिको अध्ययनको खाँचो रहेको र जति अध्ययन ग¥यो त्यति नै गहिरिँदै जाने उल्लेख गर्दै अध्यक्ष दाहालले भने, “इतिहासको जति राम्रो अन्वेषण हुन्छ, वर्तमानमा राष्ट्र त्यति नै समृद्ध बन्छ ।”
पुस्तकले वर्तमानमा केही सहयोग गर्ने र भविश्यको निम्ति आधार निर्माण गर्ने काम गरेको उल्लेख गर्दै उनले अन्वेषणात्मक पुस्तक प्रकाशन भएकामा प्रशंसा गरे । अङ्ग्रेजीमा समेत अनुवाद गरेर देश बाहिर पु¥याउने काम भएकामा उनले खुशी व्यक्त गरे ।