विराटनगर – नेपाल कम्युनिस्ट पार्टीका प्रवक्ता नारायणकाजी श्रेष्ठले मुलुकमा व्याप्त भष्टाचार नियन्त्रण नगरी समृद्धि हासिल नहुने बताएका छन् ।
मानव अधिकार तथा शान्ति समाजको २१ औं राष्ट्रिय परिषद भेलामा शुक्रबार उनले राजनीतिक दलभित्र र समाजमा मौलाएको भष्ट्रचार नियन्त्रण गर्नु मुख्य आवश्यकता रहेको बताए ।
नेता श्रेष्ठले सुशासन कायम नभएसम्म विकास र परिवर्तन सम्भव नभएको धारणा राखे ।
विकास र परिवर्तन नभएसम्म जनतामा निराशा बढ्ने भन्दै नेता श्रेष्ठले यस्तो नैराश्यताले दक्षिणपन्थी शक्तिहरुको चलखेल बढ्ने र मुलुक विखण्डनकोसमेत डर हुने बताए ।
मुलुकमा अब राजनीति सफा गर्ने आन्दोलन आवश्यक रहेको पनि उनको भनाइ छ । ‘हामीले हिजोको दिनमा निरकुंशतन्त्रको विरुद्ध ठुलो राजनीतिक सघर्ष गर्यौं, ठुलो राजनितिक परिवर्तन गरेका छौं’, नेता श्रेष्ठले भने ‘आज त्यो राजनीतिक परिवर्तनलाई माध्यम बनाएर नेपाली समाजलाई समृद्ध बनाउने हो र नयाँ नेपाल बनाउने हो भने हामीले राजनितिलाई पनि सफा गर्नुपर्छ ।’
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
