टोखा – ७ मा देउवा पक्षले गऱ्यो वडा अधिवेशन

काठमाडौं – नेपाली कांग्रेसको संस्थापन इतर पक्षको टोखा नगर पालिका वार्ड नं ७ को वडा अधिवेशन भएको छ । वडा सभापति दुर्गा कार्कीको सभापतित्वमा भएको अधिवेशनको उद्‌घाटन काठमाडौं क्षेत्र नं. ५ का क्षेत्रीय सभापति, सांसद एवं पूर्वमन्त्री श्यामवहादुर खड्काले गरे । अधिवेशन उद्घाटन गर्दै खड्‌काले विशेष महाधिवेशनका नाममा गरिएको अवैधानिक गतिविधिले पार्टी संकटमा परेको बताए । पार्टीको अधिकारिकता सम्बन्धी मुद्दा सर्वोच्च अदालतमा विचाराधिन अवस्थामा रहेको र फैसला आफुहरुको पक्षमा आउँने विश्वास खङ्‌काले व्यक्त गरे ।
नेपाली कांग्रेस क्षेत्र नं. ५ ख का संयोजक बद्रिनाथ कोइरालाले विशेष अधिवेशन अवैधानिक भएको जिकिर गर्दै उक्त महाधिवेशनवाट निर्वाचित घोषित गगन थापाले साथीहरुले वोलाएको महाधिवेशनमा आफु आएको बताउँनुले उक्त महाधिवेशन नै अवैध भएको बताए । अधिवेशनले रमेश महतको अध्यक्षतामा नयाँ समिति गठन गरेको छ ।
कार्यक्रमको संचालन युवा नेता रत्न मर्हजनले गरेका थिए ।