सबुज बाँनियाले खडा गरे काठमाडौं – ६ मा जितको आधार

काठमाडौं क्षेत्र नं. ६ मा प्रतिनिधिसभा निर्वाचनलाई लिएर राजनीतिक माहोल तातिँदै गएको छ। नेपाली कांग्रेस का उम्मेदवार सबुज कृष्ण बाँनियाले जितको आधार खडा गर्दै गएको दाबी गरिएको छ।
यसअघि सो क्षेत्रमा राष्ट्रिय स्वतन्त्र पार्टी का उम्मेदवार शिशिर खनाल विजयी भएका थिए। सोही क्षेत्रमा यसपटक नेकपा एमालेका तर्फबाट अमन मास्के पनि चुनावी मैदानमा उत्रिएका छन्।
स्थानीयस्तरमा गरिएको जनसम्पर्क, विकास योजनाप्रतिको प्रतिबद्धता तथा संगठन सुदृढीकरणका कारण बाँनियाको पक्षमा माहोल सकारात्मक बन्दै गएको कांग्रेस नेताहरूको दाबी छ। मतदातासँगको भेटघाट, घरदैलो अभियान तथा सार्वजनिक बहसमा सक्रिय उपस्थितिले उनको प्रभाव बढ्दै गएको बताइएको छ।
उता, रास्वपाका उम्मेदवार खनालले अघिल्लो निर्वाचनमा प्राप्त जनसमर्थनलाई निरन्तरता दिने प्रयास गरिरहेका छन् भने एमालेका उम्मेदवार मास्केले पार्टीको संगठित शक्ति र कार्यकर्ताको सक्रियतामा जोड दिइरहेका छन्।
राजनीतिक विश्लेषकहरूका अनुसार काठमाडौं–६ मा यसपटक त्रिपक्षीय प्रतिस्पर्धा रोचक बन्ने देखिएको छ। पुराना दल र नयाँ शक्तिबीचको प्रतिस्पर्धाले मत परिणामलाई अनिश्चित बनाएको उनीहरूको विश्लेषण छ।
निर्वाचन नजिकिँदै जाँदा उम्मेदवारहरूबीच प्रचार–प्रसार तीव्र बन्दै गएको छ। मतदाताको विश्वास जित्न विकास, रोजगारी, सुशासन र पारदर्शिताका मुद्दा मुख्य बहसको केन्द्रमा रहने अपेक्षा गरिएको