निजामति विधेयक परिवर्तन गरिनु घोर अपराध : कोइराला

काठमाडौं – निजामति विधेयकमा कुलिङ अफ पिरियड नहटाई पास गरिएको प्रति कांग्रेस नेता डा . शेखर कोइरालाले आपत्ति प्रकट गरेका छन । कोइरालाले उक्त कार्यमा संलग्नलाई कारवाही गरी आजै सच्चाएउन माग गरेका छन ।

उनले भनेका छन :

सर्वसम्मतिबाट संसदमा पेस भएको निजामति सेवा विधेयक अनधिकृत रुपमा परिवर्तन गरिनु, गराईनु कुनै सामान्य घटना नभई, देश र जनता प्रति गरिएको घोर अपराध र सार्वभौम संसदप्रति गरिएको अपमान हो ।
यस प्रकारणमा जोडिएकालाई तुरुन्त हदै सम्मको कारवाही अगाडि बढाई, परिवर्तन गरिएको व्यवस्थालाई आजै पुरानै अवस्थामा लैजाउँ ।
कुलिङ पिरियड नराखी यस विधेयकका अगाडिका काम कारवाही अगाडि बढ्नु हुँदैन र बढ्दैन ।