तरुण दललाई तीन करोड, सरकारी बजेटमा महिला संघको भवन बन्दै

काठमाडौं – शक्तिको दुरुपयोग गरी राज्यकोष वाटपार्टीका भातृसंस्थाहरु निर्माण गर्न थालिएको छ । सहरी विकाश मन्त्रालयले कांग्रेसको भातृ संस्था नेपाल तरुण दलको भवन बनाउँन ३ करोड दिने चर्चा चलिरहदा कांग्रेसकै अर्को भातृ संस्था नेपाल महिला संघको भवन सरकारकै बजेटमा निर्माण भइरहेको छ । टोखा नगरपालिका वार्ड नं ७ बनिरहेको भवन संघिय सरकारको बजेटमा निर्माण भइरहेको हो । वेसमेन्ट सहितको बहुतले उक्त भवन बनेको जग्गा समेत सरकारी हो । मन्त्री परिषद्को निर्णयवाट करिव १० रोपनी सरकारी जग्गा महिला संघको नाममा गरिएको हो । उक्त जग्गामा अहिले सरकारकै बजेटमा भवन निर्माण भइरहेको छ ।