मेयर बालेन्द्र साहले टुकुचामा गाढ्ने चेतावनी कसलाई दिएका हुन ?

काठमाडौं – महानगर पालिकाका मेयर बालेन्द्र साह आफ्नो सामाजिक सञ्जालको स्टाटसले गर्दा वेला बेलामा विवादमा पर्ने गरेका छन । पछिल्लो पटक उनले त्यस्तै विदास्पद अभिव्यक्ति दिएका छन । उनले महानगरका सफाई कर्मचारीले सात दिन भित्र तलब नपाए टुकुचामा गाढिदिने चेतावनी दिएका छन । तर उनले कसलाई प्रष्ट खुलाएका छैनन ।

उनको आक्रोश संघिय सरकार प्रति भएकाले संघिय सरकारलाई नै टुकुचामा गाढ्ने भनेको हुन सक्ने देखिन्छ । महानगरका प्रमुख प्रशासकिय अधिकृत सरोज गुरागाई लाई नक्सा पासको प्रकरणमा भ्रष्टाचार गरेको भन्दै छानविन समिति बनाएर काम गर्नबाट रोकेका बालेन्द्रले नयाँ अधिकृतको माग गरिरहेका छन । तर सरकारले गुरागाईलाई नै काम गर्ने वातावरण बनाउँन भन्दै पत्र पठाएको छ ।

बालेन्द्रले आफ्ना तीन कर्मचारीलाई प्रतिवेदन लेख्न लगाएर गुरागाई भ्रष्टाचारी नै हुन भन्ने देखाउँन खोजेका छन । उनले प्रतिवेदन भन्दै सार्वजनिक गरेको विवरण छानविन समितिको प्रतिवेदन होइन । समिति निष्क्रिय भइसकेको छ ।

यता १८ जना वडा अध्यक्ष सहित कार्यपालिका सदस्यहरूले यथासिघ्र बैठक बोलाउँन माग गरेका छन । तर बैठक कहिले बस्छ भन्ने टुङ्गो लागेको छैन । बैठकको माग गरिए लगतै उनले शहरी विकास मन्त्री प्रकाशमान शिंह प्रति कटाक्ष गर्दै आलोचना गरेका थिए ।

बालेन्द्र साहले लेखेका छन :

काठमाडौं महानगरपालिकाको सरसफाई कर्मचारीले बिगत ३ महिना देखी तलब पाको छैन, सरकारको दम्भले !

को कोले के के आन्दोलन गर्ने हो, मलाई थाह छैन , अबको एक हप्तामा हाम्रो कर्मचारीले तलब पाएन भने सबैलाई टुकुचामा गाडदिन्छु !

त्यो पछी हेरौँला तिमी हरुको के के तन्त्र हो!!

मेयर बालेन्द्र साहले टुकुचामा गाढ्ने चेतावनी कसलाई दिएका हुन