कुलमान हटाउँने निर्णय प्रति कांग्रेस महामन्त्रीको असन्तुष्टि

निर्णय गलत छ,सरकार! उल्टो बाटो हिँडेर सही गन्तव्य पुगिँदैन।काठमाडौं – विद्युत प्राधिकरणका कार्यकारी निर्देशक कुलमान घिसिङलाई बर्खास्त गर्ने निर्णयको कांग्रेस महामन्त्री गगन थापाले असन्तुष्टी प्रकट गरेका छन । उक्त निर्णयले नागरिकको असन्तष्टिमा मट्टितेल खनाउँने काम भएको उनको टिप्पणी छ । मन्त्रीले वाटो विराउँदा प्रधानमन्त्रीले सम्हाल्नु पर्नेमा त्यसो नहुनु विडम्बना भएको उनले बताए ।

थापाले भनेका छन :

आम नागरिकमा असन्तुष्टि बढ्दो छ। त्यही असन्तुष्टिको तावामा स्वार्थको रोटी सेक्न उद्धत एउटा तप्का सलबलाइरहेको छ। यस्तो बेला सरकारको डेलिभरीबाट त्यो असन्तुष्टिलाई सम्बोधन गर्दै आगो नै निभाइदिऊ भनेर हामी दिन रात नभनी मेहनत गर्ने सरकार चाही आफैँ असन्तुष्टिको आगोमा मट्टितेल हाल्ने काम गर्ने?

हामीले यस्तो नगरौँ है भन्दा सुनेको जस्तो पनि गर्ने तर निर्णय फेरि यस्तो गलत गर्ने?

मन्त्रीहरूले बाटो बिराउँदा प्रधानमन्त्रीले समाल्नु पर्ने हो.. तर विडम्बना त्यो भएन,

निर्णय गलत छ,सरकार! उल्टो बाटो हिँडेर सही गन्तव्य पुगिँदैन।