कांग्रेस विवादमा नाटकिय मोड, ‘अन्तरिम’ सभापतिको खोजी !

काठमाडौं – विभाजनको डिलमा पुगेको नेपाली कांग्रेसमा नाटकिय परिवर्तन देखिएको छ । महामन्त्री गगन थापा र विश्वप्रकाश शर्माले विशेष महाधिवेशन बोलाए पछि विभाजनको डिलमा पुगेको कांग्रेस जोगिने सम्भावन बढेको नेताहरुले बताएका छन । निति र नेतृत्व बदल्ने गरी विशेष महाधिवेशन अघि बढे पछि संथापन पक्ष लचक देखिएको हो । सभापति शेरबहादुर देउवा र कार्यवहाक सभापति पूर्णवहादुर खड्काले थापा र शर्मासंग सम्वाद गर्ने भएका छन ।

यता विशेष महाधिवेशन पक्षधरले पनि महाधिवेशन मंगलवार सम्मका लागी लम्बाएका छन । प्रतिवेदन माथी फलफलका नाममा सहमतिका लागी महाधिवेशन लम्बाईएको नेताहरूको दावी छ । नेता शेखर कोइराला पक्षका नेताहरू वैसाखको महाधिवेशन सम्म अन्तरिम सभापति बनाएर चुनाव पछि महाधिवेशनमा जानु पर्नेमा जोड दिइरहेका छन ।

त्यसमा दुवै पक्ष सकारात्मक हुँदै गएको दावी गरिएको छ । त्यसका लागी सम्भावित पात्र कोइराला नै हुन सक्ने बताइन्छ । सहमति जुटेमा विशेष महाधिवेशनको समापनमा कार्यवहाक सभापति पूर्ण बहादुर खड्‌का सहभागी हुने तयारी छ ।