संसद्‌मा प्रधानमन्त्रीको ओठेजवाफ !

काठमाडौं – सामन्यतया प्रधानमन्त्री केपी शर्मा ओली प्रश्न र आलोचनालाई रुचाउँदैनन् । ओलीको यो स्वभाव आइतवारको संसद बैठकमा पनि प्रष्टै देखियो । आइतवार संसद्मा साँसदहरुले प्रश्न सोध्ने र प्रधानमन्त्रीले उत्तर दिने कार्यसुचि थियो । सांसद प्रभु शाहले बैदेसिक रोजगार संग सम्बन्धी प्रश्न सोधेका थिए । उक्त प्रश्नको जवाफ दिन आवश्यक छैन भन्दै प्रधानमन्त्री झोक्किए । सभामुख देवराज घिमिरेले सवाल जवाफ नहुने भन्दै शाहलाई थप बोल्न समेत दिएनन् ।

माओवादी केन्द्रका सांसद वर्षमान पुनले अर्थतन्त्रको अवस्थाका बारेमा गरेको प्रश्नबाट पनि प्रधानमन्त्री खुसी भएनन् । उनले आफु अर्थमन्त्री भएका बेलाको अवस्था सम्झिन भने । प्रधानमन्त्री त्यत्तिमा मात्रै रोकिएनन् । उनले भने – असारमा धान नरोपे पछि नै हो मंसिरमा नफल्ने । उनको भनाई अघिल्ला सरकारकै गल्तीका कारण अहिले अर्थतन्त्रमा समस्या आएको भन्ने थियो ।

प्रतिनिधि सभाको आइतवारको बैठक

एकिकृत समाजवादिका सांसद प्रकाश ज्वालको प्रश्नमा पनि प्रधानमन्त्री ओली ओठे जवाफ फर्काए । भौतिक निर्माण संग सम्बन्धी ज्वालाको प्रश्नमा प्रधानमन्त्री आफै मन्त्री भएका बेला केहि नगर्ने अहिले प्रश्न गर्ने भन्दै असन्तुष्टि जनाए ।