बालुवाटारको दावी : देउवाको पक्षमा ५६ प्रतिशत मत

काठमाडौं– नेपाली कांग्रेसको १४ औं महाधिवेशन भोली उद्घाटन हुँदैछ । उद्घाटन लगतै चुनावी प्रक्रिया प्रारम्भ हुन्छ । अहिलेसम्मको अवस्था हेर्दा दुई वटा समुह विच चुनावी प्रतिस्पर्धा हुने देखिएको छ । सभापति शेरबहादुर देउवा उम्मेदवार बन्ने निश्चित भएपनि संस्थापन इतरबाट सभापतिमा उठ्ने उम्मेदवारको अन्तिम टुंगो लागिसकेको छैन् । तर पनि सम्भावित परिणामको चर्चा भने सुरु भइसकेको छ ।
समाचार स्रोतका अनुसार सभापति देउवाको पक्षमा ५६ प्रतिशत मत रहेको दावि गरिएको छ । मतदानको बेलासम्म ६० प्रतिशत पु¥याएर सहज जित हुने निष्कर्ष बालुवाटारको छ । बालुवाटार स्रोतका अनुसार देउवाको जित पहिलो चरणमा नै सुनिश्चत छ । दोस्रो चरणको निर्वाचनको बारे कल्पना समेत गरिएको छैन् ।
संस्थाप इतरका सिंह र कोइरालाले पनि आफ्नो जित सुनिश्चित भएको दावि गर्दै आएका छन् । यद्यपी यो समुहको साझा उम्मेदवार चयन भने हुन सकेको छैन् ।