कांग्रेसको बागमति प्रदेशमा चुनावी सरगर्मी

काठमाडौं– नेपाली कांग्रेसको १४ औं महाधिवेशन अन्र्तगत बागमती प्रदेश समितिको नेतृत्वको लागि चुनावी सरगर्मी बढेको छ । संविधान निर्माण पछि पहिलो पटक कांग्रेसले अधिवेशनको माध्यमबाट प्रदेश समिति निर्माण गर्न लागेको हो ।
प्रदेश समितिको सभापतिको लागि कांग्रेस नेताहरु भिमसेनदास प्रधान, रामनाथ अधिकारी र जगदिश्वरनरसिंह केसीले तयारी थालेका छन् । प्रधान कांठमाडौं कांग्रेसका पूर्वसभापति हुनुका साथै पूर्वमन्त्री हुन । त्यसैगरी अधिकारी धादिङ कांग्रेसका पूर्वसभापति हुनुका साथै पूर्व सांसद हुन । केसी नुवाकोट कांग्रेसको पूर्व सभापतिका साथै पूर्व सांसद हुन ।
प्रधान पूर्वमहामन्त्री कृष्णप्रसाद सिटौला निकट मानिन्छन् । उनले सभापति शेरबहादुर देउवा पक्षको समेत समर्थनका लागि प्रयास अघि बढाएका छन् । त्यसैगरी अधिकारी र केसी बरिष्ठ नेता रामचन्द्र पौडेल पक्षधर हुन ।