दल विभाजन सम्बन्धी अध्यादेश मन्त्रीपरिषदबाट अनुमोदन

काठमाडौ – सरकारले संसदिय दल वा केन्द्रीय समितिमा बीस प्रतिशत पुर्‍याएर दल विभाजन गर्न सकिने अध्यादेश पारित गरेको छ । यस अघि दल विभाजन सम्बन्धी ऐनमा केन्द्रीय समिति र संसदीय दलमा चालिस प्रतिशत पुर्‍याउनु पर्ने व्यवस्था थियो । नेकपा एमालेका माधव नेपाल पक्षलाई दल विभाजन गर्न सजिलो हुने गरी सरकारले अध्यादेश ल्याउन लागेको हो ।
अध्यादेश ल्याउन सरकारले संसदको चालु अधिवेशन अन्त्य गरेको थियो । यो अध्यादेशले जनता समाजवादी को महन्थ ठाकुर पक्षलाई समेत दल विभाजन गर्न सजिलो हुने छ । एमालेले अध्यादेश ल्याए प्रतिवाद गर्ने निर्णय गरेको छ । अध्यादेश सरकारको सिफारिसमा राष्ट्रपतिले जारी गर्ने व्यवस्था छ ।