माओवादी केन्द्रको केन्द्रीय कमिटीको बैठकले साउन ३० गते बस्ने

काठमाडौं– नेकपा (माओवादी केन्द्र)ले साउन ३० गतेभित्र वडा कमिटी गठन गर्न निर्देशन दिएको छ। छ हजार सात सय ४३ वटै वडामा वडा कमिटी गठन गर्न माओवादी केन्द्रको आज बसेको स्थायी कमिटी बैठकले निर्देशन दिएको हो।
वडा कमिटी गठन गरी त्यसको जानकारी प्रदेशस्थित केन्द्रीय सदस्यलाई दिनुपर्नेछ। साउन ३० मा माओवादीले केन्द्रीय कमिटी बैठक बोलाएको छ।
त्यो बैठकमा आउँदा केन्द्रीय सदस्यहरूले आफ्नो प्रदेशभित्रका वडाको वडा कमिटी गठनको विवरण लिएर आउनुपर्ने छ ।
माओवादीले तयारी नपुगेको भन्दै साउन २० गतेदेखि हुने भनेको केन्द्रीय कमिटी बैठक दश दिन सारेको छ।
त्यसैगरी सरकारमा जाने मन्त्रीहरू टुंग्याउनका लागि सोमबार अपरान्ह ३ बजे स्थायी कमिटी बैठक पनि बस्ने तयारी छ।