विपक्षी गठबन्धनले आज देखी सडक आन्दोलन गर्ने, तीन बजे युवा विद्यार्थीको प्रदर्शन

काठमाडौं – सरकारले संविधान, संघिय लोकतान्त्रीक गणतन्त्र र आन्दोलन स्थापित गरेको परिवर्तन माथी प्रधानमन्त्री केपी शर्मा ओलीले निरन्तर प्रहार गरेको भन्दै विपक्षी गठबन्धनले सडक संघर्ष गर्ने भएका छन् । ओली निरन्तर संविधान विरोधी गतिविधिमा अघि बढेकाले आन्दोलन आवश्यक रहेको उनीहरुको भनाइ छ ।

नेपाली कांग्रेस, माओवादी केन्द्र, नेकपा एमालेको माधव नेपाल पक्ष, जनता समाजवादी पार्टीका उपेन्द्र – वावुराम पक्ष र राष्ट्रिय जनमोर्चा सरकार विरुद्ध सङ्‌कमा जान लागेका हुन । संसद विघटनको मुद्धा सर्वोच्चमा चलिरहेका बेला विपक्षी पार्टीले सडक तताउँन लागेका हुन् ।

युवा विद्यार्थीको विरोध प्रदेशन आज

नेविसंघ, अनेरास्ववियू, अनेरास्ववियू क्रान्तिकारी, समाजवादी विद्यार्थी युनियन र अखिल छैटौँमा आबद्ध विद्यार्थीहरुले दिउँसो  ३ बजे काठमाडौंको प्रदर्शनीमार्गमा प्रदर्शन गर्न लागेका हुन् । देशभर प्रदर्शन गर्ने तयारी रहेको संयुक्त विज्ञप्तिमार्फत उनीहरुले जनाएका छन् ।

फाइल तस्वीर