नेकपा प्रदेश २ को संसदीय दलमा महतो चयन, मण्डललाई हटाइयो

काठमाडौं– नेपाल कम्युनिष्ट पार्टी (नेकपा) को प्रचण्ड–नेपाल समूहले प्रदेश २ को संसदीय दलका नेता सत्यनारायण मण्डल पदबाट हटाएको छ। नेकपाको प्रचण्ड–नेपाल समूहको प्रदेशस २ को आज बसेको संसदीय दलको बैठकबाट मण्डललाई कारबाही गरी दलको नेताबाट हटाइएको हो।

प्रदेशसभामा नेकपाका ३२ सदस्यमध्ये १९ जनाले मण्डलविरूद्ध अविश्वास प्रस्तावमार्फत् संसदीय दलका नेताबाट हटाएका हुन् । बैठकले संसदीय दलको नेतामा शत्रुधन महतोलाई चयन गरेको छ।

यस्तै, प्रदेश २ संसदीय दलको उपनेतामा रामकुमार यादव, प्रमुख सचेतक सुन्दरबहादुर विश्वकर्मा र सचेतकमा बेची लुङ्गेली छन्।
बैठकलगत्तै नेकपाका प्रदेश सभा सदस्यहरूले सभामुख सरोजकुमार यादवलाई नेकपा संसदीय दलको बैठकले गरेको निर्णयबारे जानकारी गराएका छन्।