विपक्षीदलहरुको सामूहिक निष्कर्ष : सरकार सर्वसत्तावादी र स्वेच्छाचारी

काठमाडौ -नेपाली कांग्रेस केन्द्रीय कार्यालयमा संघीय संसदमा प्रतिनिधित्व गर्ने नेपाली कांग्रेस पार्टी, जनता समाजवादी पार्टी, नेपाल र राष्ट्रिय प्रजातन्त्र पार्टीका शीर्ष नेताहरुको बैठक सम्पन्न भएको छ ।

बैठकले सरकार सर्वसत्तावादी भएको निष्कर्ष निकाल्दै एकतावद्ध भएर संघर्ष गर्ने निर्णय गरिएको छ । बैठकमा कांग्रेस सभापति शेर बहाडर देउवा,  वरिष्ठ नेता रामचन्द्र पौडेल, उपसभापतिद्धय विमलेन्द्र निधि र विजयकुमार गच्छदार, महामन्त्री डा शसाङक कोइराल , सहमहामन्त्री डा प्रकाशशरण महत, जनता समाजवादी पार्टीका महन्थ ठाकुर, डा वावुराम भट्टराई, उपेन्द्र यादव र राष्ट्रिय प्रजातन्त्र पार्टीका डा.प्रकाशचन्द्र लोहनी सहभागी थिए । बैठक पछि जारी विज्ञप्ती यस्तो छ ।

(१) लोकतान्त्रिक मूल्य र मान्यताहरुलाई कुल्चिदै यो सरकार सर्वसत्तावादतर्फ अग्रसर भएको स्पष्ट छ । हामी यो प्रवृत्तिको घोर भत्र्सना गर्दछौं र यस किसिमको स्वेच्छारी र सर्वसत्तावादी प्रवृत्ति विरुद्ध सम्पूर्ण लोकतन्त्रवादी शक्ति ऐकतावद्ध भई संघर्ष गर्ने प्रतिवद्धता व्यक्त गर्दछौं ।

(२) सरकारले लोकतान्त्रिक मूल्य र मान्यतालाई तहसनहस गरी अधिनायकवादी उद्देश्य प्राप्तिका लागि सरकारको समेत संलग्नतामा सांसद डा. सुरेन्द्र यादव अपहरण काण्डले नेपाली जनता आक्रोशित भएका छन् । यस्ता अपराधिक कार्यको यो बैठक घोर भत्र्सना गर्दछ र अपराधमा संलग्न व्यक्तिहरुलाई तत्काल कानूनी कार्वाही अगाडि बढाउन माग गर्दछ ।

(३) कोरोना भाइरसको संक्रमणको सन्दर्भमा गरिएको लकडाउनको अवधिमा जनताका न्यूनतम आवश्यकता पूर्ति गर्ने तथा नेपाली अर्थतन्त्रमा परेको नकारात्मक प्रभावलाई न्यून गर्न आवश्यक राहत र कुनै ठोस् कार्ययोजना सरकारले दिन सकेको छैन । यस अवस्थामा तत्काल राहत र कार्यक्रमको ठोस योजना प्रस्तुत गर्न माग गर्दछ । साथै, कोरोना भाइरसको यथार्थ स्थिति पत्ता लगाउन आवश्यक टेष्टिङमा भएको असाधारण ढिलासुस्ती समाप्त गरी तिव्रता दिन यो बैठक माग गर्दछ ।

नेपाली कांग्रेस
श्री शेरबहादुर देउवा, सभापति

जनता समाजवादी पार्टी, नेपाल
श्री उपेन्द्र यादव
श्री शरतसिंह भण्डारी

राष्ट्रिय प्रजातन्त्र पार्टी
डा. प्रकाशचन्द्र लोहनी,