काठमाडौं – चीनका लागि प्रस्तावित नेपाली राजदूत डा. महेन्द्र पाण्डेविरुद्ध संसदीय सुनुवाइको प्रक्रिया अघि बढाइएको छ । बुधबार बसेको संसदीय सुनुवाई विशेष समितिको बैठकले पाण्डेविरुद्ध उजुरी आह्वान गरेको छ ।
आजको मितिबाट १० दिनको म्यादभित्र पाण्डेविरुद्ध कुनै उजुरी भए दिन सकिने समितिले जनाएको छ ।
१८ फागुनमा बसेको मन्त्रिपरिषद बैठकले चीनका लागि नेपाली राजदूत लिलामणी पौडेललाई फिर्ता बोलाएर पाण्डेलाई राजदूत सिफारिस गरेको थियो । सुनुवाई समितिले नाम अनुमोदन गरेपछि मात्र पाण्डे राजदूत नियुक्त हुने बाटो खुल्ने छ ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
