एन्फाले सागमा स्वर्ण जित्ने फुटबल खेलाडीलाई जनही साढे ५ लाख दिने

काठमाडौं– १३ औँ दक्षिण एसियलाी खेलकुद (साग) मा स्वर्ण जित्ने फुटलब टिमका सदस्यहरुले जनही साढे ५ लाख रुपैयाँ प्राप्त गर्ने भएका छन् ।
आइतबार अखिल नेपाल फुटबल संघमा बसेको कार्यसमिति बैठकले खेलाडीहरुलाई पुरस्कृत गर्ने निर्णय गरेको हो ।
एन्फाले स्वर्ण विजेता खेलाडीको सम्मानमा प्रत्येक खेलाडीलाई जनही साढे ५ लाख दिने भएको हो । सागमा उपविजेता बनेको महिला फुटबल टिमका सदस्यले जनही साढे १ लाख रुपैयाँ पाउने भएका छन् । पुरुष टोलीले सागमा भुटानको यू–२३ टोलीलाई हराएको थियो ।

त्यसैगरी एन्फाले बी डिभिजन लिगको तयारी खर्च वापत क्लबहरुलाई १० लाख रुपैयाँ दिने निर्णय गरेको छ । त्यस्तै बी डिभिजनको लिग च्याम्पियन क्लबले १५ लाख रुपैयाँ प्राप्त गर्नेछ । कार्य समितिको निर्णय अनुसा सी डिभिजनका क्लबहरुलाई तयारी खर्च वापत ७ लाख रुपैयाँ दिने निर्णय गरेको छ ।
यस्तै लामो समय यता चर्चामा रहेको महिला लिगको पुरस्कार रकम पनि तय गरेको छ । महिला लिगको विजेताले १५ लाख र दोस्रोले ८ लाख, तेस्रोले ५ लाख र चौथोले ३ लाख रुपैयाँ प्राप्त गर्नेछन् ।