मोफसलमा हुने गोल्ड कप र नकआउट फुटबल प्रतियोगिताको खेल तालिका सार्वजनिक

काठमाडौं – हाल राजधानीमा जारी शहिद स्मारक ‘ए’ डिभिजन लिग सकिएसँगै मोफसल पनि फुटबलमय बन्ने भएको छ । मंगलबार अखिल नेपाल फुटबल संघ (एन्फा) ले मोफसलमा आयोजना हुने गोल्ड कप र नकआउट फुटबल प्रतियोगिताको खेल तालिका सार्वजनिक गरेको छ ।
एन्फाको तालिका अनुसार लिग फुटबल सकिएपछि मोफसलको प्रतियोगितासुचारु हुनेछ । मोफसल र काठमाडौंमा गरी विभिन्न २५ वटा फुटबल प्रतियोगिता सञ्चालन हुनेछन् । तालिका अनुसार फागुन पहिलो साता पोखरामा मनकामना गोल्डकप, झापामा सताक्षि गोल्डकप र मकवानपुरमा बाग्मती गोल्डकप हुनेछ ।
यसैगरी फागुन ५ देखि चितवनमा राइनो गोल्डकप, फागुन ८ देखि १७ सम्म धरानमा बुढासुब्बा गोल्डकप र बुटवलमा तिलोत्तमा गोल्डकप हुनेछ । फागुन ११ देखि २२ सम्म धनगढीमा खप्तड गोल्डकप, फागुन १५ देखि २४ सम्म झापामा झापा गोल्डकप, पूर्वको इलाममा माइभ्याली गोल्डकप र बाग्लुङमा मेयर कप हुनेछ ।