एजेन्सी -प्रिमियर लिग क्लब टोटनह्याम हटस्पर्सले माउरिसियो पोचेटिन्होलाई म्यानेजर पदबाट बर्खास्त गरेको छ ।
यो सिजन खराब सुरुवात गरेपछि पाँच वर्ष क्लबमा बिताएका ४७ वर्षीय पोचेटिन्होलाई क्लबले बर्खास्त गरेको हो । स्पर्स अहिले लिगको १४ औँ स्थानमा सिमित रहेको छ ।
पोचेटिन्होसँगै एसिस्टेन्ट जिसस पेरेज र प्रशिक्षक मिगुएल डी’एगोस्टिन्हो र एन्टोनियो जिमिनेजले पनि क्लब छाडेका छन् ।
पोचेटिन्होको बाहिरिगमनसँगै म्यान्चेस्टर युनाइटेड र चेल्सीका पूर्व म्यानेजर जोसे मोरिन्हो क्लबमा भित्रने चर्चा शुरु भएको छ । क्लबले मोरिन्होसँग यसबारे छलफल शुरु गरिसकेको बताइएको छ ।
पोर्चुगिज म्यानेजर सन् २०१८ को डिसेम्बरमा युनाइटेडले बर्खास्त गरेदेखि कामविहीन रहेका छन् ।
""राष्ट्रपुकार डट कम प्रकाशित कुनै पनि सामग्री बारे गुनासो, सूचना तथा सुझाव भए हामीलाई rastrapukarnews@gmail.com मा पठाउन सक्नु हुनेछ ।""
