सरकारले प्रेसलाई नियन्त्रणमा लिन खोज्यो : प्रवक्ता शर्मा

अर्घाखाँची– प्रमुख प्रतिपक्ष दल नेपाली काँग्रेसका प्रवक्ता विश्व प्रकाश शर्माले वर्तमान सरकारले प्रेसलाई नियन्त्रणमा लिन खोजेको बताएका छन् ।
मंगलवार नेपाल प्रेस युनियन अर्घाखाँचीले आयोजना गरेका पत्रकार सम्मेलनमा बोल्दै केन्द्रीय सदस्य शर्माले एउटा विषयमा पार्टीमा युवाहरु एक ठाउँमा आएको बताउँदै अहिले सो गुटमा आफू नरहेको स्पष्ट पारे ।
कलमलाई रोकेर निरकुंशता ल्याउने उद्देश्यका साथ सरकारले मिडिया काउन्सिल विधेयक ल्याएको उनको आरोप छ ।
सरकारले ल्याएको विधेयक गलत रहेको भन्दै उनले एकजुट भई र डटेर सामान गर्न पत्रकारलाई आग्रह गरे ।
नेता शर्माले सरकारले ल्याएको बजेटले राष्ट्रिय गौरवका योजनालाई प्राथमिकता नलिई,चुनावी सरकारले जस्तो बजेट ल्याएको टिप्पणी गरे ।
उनले विप्लप नेतृत्वको नेकपालाई बार्तामा ल्याई समस्या समाधान गरिनुपर्ने पनि बताए ।