राप्रपामा थपिए नयाँ पदाधिकारी

काठमाडौं – राष्ट्रिय प्रजातन्त्र पार्टी (राप्रपा)को विभिन्न पदमा पदाधिकारी थप भएको छ । दीपक बोहरा समूहसँग एकता भएपछि अध्यक्ष कमल थापाले पार्टीका विभिन्न पदमा पदाधिकारी थप गरेका छन् ।
मंगलबार थपिएका पदाधिकारीमा वरिष्ठ उपाध्यक्षमा बुद्धिमान तामाङ र राजीव पराजुली रहेका छन् ।
त्यस्तै उपाध्यक्षहरुमा प्रेमबहादुर भण्डारी, टंक ढकाल, नरेन्द्रबहादुर चन्द, तोरणबहादुर गुरुङ, रोशन कार्की, भीमप्रसाद गौचन र महेशलाल महासेठलाई थपिएका छन् । महामन्त्रीमा राजेन्द्र लिङ्देन र धवलशम्शेर जबरा थप गरेका छन् ।
प्रवक्तामा सुशीलकुमार श्रेष्ठ, भुवन पाठक र नीलकण्ठ काफ्ले थप गरेका छन् । सह–महामन्त्रीमा चन्द्रबहादुर गुरुङ, कुन्ती शाही, दीपकबहादुर सिंह, भक्तिप्रसाद सिटौला, अर्जुन राई र भरत रायमाझी थपिएका छन् ।
सहायक महामन्त्रीमा लीलादेवी श्रेष्ठ र मदनबहादुर कार्की थपिएका छन् । सहायक प्रवक्तामा रमानन्द न्यौपाने थपिएका प्रचार विभाग प्रमुख मोहन श्रेष्ठले विज्ञप्तिमार्फत जानकारी दिएका छन् ।
त्यस्तै अध्यक्ष थापाले प्रदीपकुमार उदयलाई प्रदेश ५ को अध्यक्ष र दईन्द्रबहादुर ठकुरी केन्द्रीय सदस्यमा मनोनयन गरेका छन् ।