काँग्रेस महासमिति बैठक सुरु

काठमाडौं – प्रमुख प्रतिपक्ष दल नेपाली कांग्रेसको महासमिति बैठक शनिबार काठमाडौमा सुरु भएको छ ।
महासमिति बैठकको उद्घाटन सभापति शेरबहादुर देउवाले गरेका छन् ।
महासमिति बैठकमा आर्थिक, सांगठनिक र राजनीतिक प्रतिवेदन पेश हुने छ । पार्टीको विधान पनि महासमिति बैठकमा छलफलका लागि पेस गरिनेछ । बैठकमा मुलुकभरबाट निर्वाचित महासमिति सदस्य तथा जिल्ला सभापतिहरु, भातृ र शुभेच्छुक संस्था, मनोनति महासमिति सदस्य, विदेशस्थित जनसम्पर्क समितिका प्रनिनिधि, निर्वतमान केन्द्रीय सदस्य तथा पर्यवेक्षक गरी १ हजार ७ सय जना प्रतिनिधि सहभागी छन् ।
केन्द्रीय सदस्य तथा महासमिति सदस्य नरहेका प्रतिनिधिसभा र राष्ट्रिय सभाका सांसदहरु पनि बैठकमा सहभागी भएका छन् ।
बैठक पुस ३ गते सम्म चल्ने छ ।